Beynəlxalq Andersen Fəxri Diplomu laureatı Qəşəm İsabəylinin “Elnur, Əkil və onların başına gələnlər” nağıl-romanını “Əkil-Bəkil” adlı məşhur folklor nümunəsinin dekonstruksiyası saymaq olar.

... Bir gün babası Elnuru Əkil adlı oğlanla tanış edir. Hadisələr də elə bundan sonra başlayır. Əkilin başına macəra dalınca macəra gəlir: gah nağıllar aləminə düşür, gah saat dilində danışır, gah da arıya çevrilir... Elnurla da bir yerə düşəndə eləmədikləri dəcəllik qalmır...

“Elnur, Əkil və onların başına gələnlər” yalnız əyləncəli hekayət yox, həm də uşaqların sosial-əxlaqi inkişafını dəstəkləyən tədris vasitəsidir. Bu roman uşaqlara dostluq, dürüstlük barədə dərs verir, problemin həll yolları və təşəbbüskarlıq kimi mühüm keyfiyyətləri aşılayır.

Bəs siz Əkillə macəradan macəraya atılmağa hazırsınız?